La vie très honorifique du grand Gargantua père de Pantagruel, Rabelais, 1532

Comment Gargantua mangea en sallade six pelerins

La vie très honorifique du grand Gargantua père de Pantagruel, Rabelais, 1532

Le propos requiert que racontions ce qu’advint à six pelerins qui venoient de Sainct Sebastien, près de Nantes, et pour soy hezberger celle nuict, de peur des ennemys, s’estoient mussez au jardin dessus les poyzars, entre les choulx et lectues. Gargantua se toruva quelque peu altéré et demanda si l’on pourroit trouver des lectues pour faire sallade, et, entendant qu’il y en avoit des plus belles et grandes du pays, car elles estoient grandes comme pruniers ou noyers, y voulut y aller luy mesmes et en emporta en sa main ce que bon luy sembla. Ensemble emporta les six pelerins, lesquels avoient si grand paour qu’ilz ne ausoient ny parler ny tousser.

Les lavant doncques premierement en la fontaine, le spelerins disoient en voix basse l’un à l’autre ; « Qu’est-il de faire ? Nous noyons icy, entre ces lectues. Parlerons nous ? Mais, si nous parlons, il nous tuera comme espies.  » Et, comme ilz deliberoient ainsi, Gargantua les mist avecques huile et vinaigre et sel, les mangeoit pour soy refraischir davant souper, et avoit jà engoullé cinq des pelerins. Le sixiesme estoit dedans le plat, apparoissoit au dessus. Lequel voyant, Grandgousier dist à Gargantua :

 » Je croys que c’est là une corne de limasson ; ne le mangez poinct.
_ Pourquoy ? (dist Gargantua). Ilz sont bons tout ce moys.  »

Et, tirant le bourdon, ensemble enleva le pelerin, et le mangeoit très bien ; puis beut un horrible traict de vin pineau, et attendirent que l’on apprestat le souper.

Les pelerins ainsi devorez se tirerent hors les meulles de ses dentz le mieulx que faire peurent, et pensoient qu’on les eut mys en quelque basse fousse des prisons, et, lors que Gargantua beut le grand traict,cuyderent noyer en sa bouche, et le torrent de vin presque les emporta au gouffre de son estomach ; toutesfoys, saultant avec son bourdon le pays à sçavoir s’ilz estoient en sceureté, frappa rudement en la faulte d’une dent creuse et ferut le nerf de la mandibule, dont feist très forte douleur à Gargantua, et commença crier de raige qu’il enduroit. Pour donsques se soulaiger du mal, feist aporter son  curedents et, sortant vers le noyer grollier, vous denigea Messieurs les pelerins. Car il arrapoit l’un par les jambes, l’autre par les espaules, l’aultre par la bezace, l’autre par la foilluze, l’autre par l’escharpe, et le pauvre haire qui l’avoit feru du bourdon, le accrocha par la braguette ; toutefoys ce luy fut un grand heur, car il luy percea une brosse chancreuze qui le martyrisoit depuis le temps qu’ilz eurent passé Ancenys.

Ainsi les pelerins denigez s’enfuyrent à travers la plante a beau trot, et apaisa la douleur.
En laquelle heure fut appellé par Eudemon pour soupper, car tout estoit prest :
 » Je m’en voys doncques (dist il) pisser mon malheur. »
Lors pissa si copieusement que l’urine trancha le chemin aux pelerins, et furent contrainctz passer la grande boyre. Passans de là par l’orée de la Touche en plain chemain tomberent tous, excepté Fournillier, en une trape qu’on avoit faict pour prandre les loups à la trainnée, dont escapperent moyennant l’industrie dudict Fournillier, qui rompit tous les lacz et cordages. De là, issus pour le reste de celle nuyct coucherent en une loge près de le Couldray, et là feurent reconfortez de leur malheur par les bonne parolles d’un de leur compaignie, nommé Lasdaller, lequel leur remonstra que ceste adventure avoit esté predicte par David.

Tu as lu ce livre, donne nous ton avis :)

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s